Svenske Morgan Carlsson fekk profeti frå Emanuel Minos om forkynnarkallet som 11-åring. Nyleg vitja han Sunnmøre som fekk ein mektig demonstrasjon av Den Heilage Ande. Bølgja av lovsong har fått nye gjennombrot i regionen.

Det var i Ålesund og på Gurskøy at Morgan Carlsson nyleg var på besøk.

- Jag elskar Norge, smiler den svenske kanonforkynnaren.

Han har 180 reisedagar i året, og driver arbeidet saman med kona, Maria. Saman har dei fem born. Heilt frå barndomen har forkynnarkallet lagt der, både faren som var pastor og bestemora stadfesta dette. På eit møte med Emmanuel Minos, fekk han ein profeti om nettopp dette. Den gongen var han 11 år gamal.

Som 18-åring byrja tenesta. Han gifta seg tidleg, noko som profetien tilsa. Kona Maria spelar ei sentral rolle, ho har trufast vore heime med borna og delar visjonen hundre prosent. På ungdomskvelden laurdag, fortalde Morgan om kor konkret Gud førte dei to saman i unge år.

Samarbeid

Det var Sion Gurskøy, Ulsteinvik Bibelsenter og fellesskapet Kraftlaget som gjekk saman til ein fellesaksjon i Gurskøy. Også det unge lovande lovsongsteamet frå fellesskapet ”The Rock” deltok med stor innsats på ungdomskvelden.

Fredag kveld deltok det friske lovsongsbandet ”RescueZone”. Denne kvelden talte Morgan om lovprising og den Heilage Ande manifesterte seg. Laurdagskvelden var det Benjamin Osnes som leia lovsongen saman med teamet frå ”The Rock”. Det var lagt stor vekt på tilbeding også denne kvelden, sjølv om vitnesbyrdet til talaren var i fokus.

Hunger

Søndagsmøtet var fylt til randen av unge og gamle, her var det Geir Knotten og lovsongsteamet på Sion som leia med lovsong som etterkvart gjekk inn sterk i tilbeding.

- Eg kjenner her er ein enorm hunger etter meir av Gud. De har fått nok av religiøsitet.

Han tok føre seg dei to nedbrotne kvinnene i Ruts bok. Noomi var fysisk svak og Rut sa: ”eg skal vere med deg å gå”. Her kom Guds favør og openberring.

- Gud vel seg ut det som ingenting er i seg sjølv, proklamerte Carlsson.

Det er viktig å fylgje Guds plan, men mange går berre halve vegen og så kysser dei farvel til tenesta.

- Ikkje gå din eigen veg, du skal vere med å skake plassen under deg, var bodskapen.

Mission of Hope International

Morgan Carlsson administrerer organisasjonen Mission of Hope International ( MoHI), hvor visjonen er å sjå menneske bli gjenoppretta på alle livets område, både gjennom evangelisering og humanitært arbeid.

Anna Ragnhild Lynge
07.05.2010 12:18

<--Tilbake      Tips en venn